Նախագիծ
Մայիսյան հավաքին ընդառաջ՝ Ջավախք աշխարհի եռօրյա (մայիսի 6-8) ուսումնահայրենագիտական ճամփորդության
Քանի որ նախագծի աշխատանքները ծավալուն են ու տարաբնույթ, աշխատանքի բաժանում է արված: Կազմակերպչական աշխատանքները կիրականացնենք երեք ղեկավարներով, իսկ յուրաքանչյուր ղեկավար կաշխատի նաև նախագծային աշխատանքների իր մասով: Իբրև համաղեկավար՝ ես կազմակերպելու եմ նախագծերի թե՛ ուսումնական, թե՛ հայրենագիտական մասը, ինչպես նաև կրթական փոխանակումները: Ջավախքում կշարունակեմ «Կարդում ենք… » նախագիծը: Իրականացնելու եմ թումանյանական ընթերցումներ՝ «Թմկաբերդի առումը» պոեմի նախերգանքը Թմկաբերդում, «Փարվանա» բալլադի առաջին, երկրորդ հատվածները Փարվանա լճի ափին, Տերյանի «Գարուն», «Մթնշաղ», «Հրաժեշտի խոսքերից» բանաստեղծությունները Գանձայում՝ բանաստեղծի տուն-թանգարանում: Հայրենագիտական մասով աշխատանքներն արդեն սկսված են, ստորև կարող եք տեսնել այդ աշխատանքների հղումները: Հայրենագիտական մնացած աշխատանքը կիրականացնեմ տեղում:
Թամար Ղահրամանյան 