Յանուշ Կորչակ «Անլուրջ» մանկավարժություն»` «Մանկական կռիվներ»

171_kor1Երկրորդ համաշխարհային պատերազմի նախօրեին Յանուշ Կորչակը լեհական ռադիոյով «Անլուրջ» մանկավարժություն» ընդհանուր  խորագրով զրույցների շարք էր վարում: Ահա այդ զրույցներից մեկի` «Մանկական կռիվներ»-ի  թարգմանությունը:

Նվիրվում է Աիդա Պետրոսյանի պայծառ հիշատակին

Դու, իհարկե,  ո´չ չարամիտ ես, ո´չ էլ աղմկարար: Դու բռնկուն ես և պոռթկուն: Օ՜, խոստովանում եմ` ես էլ,  ես նույնպես այդպիսին եմ:

Շարունակել կարդալ

Advertisements

Ջոն Հոլթ ‹‹Մանկական հաջողությունների երաշխիքը››

John_Holt_(educator)

Այդպիսի խաղերը գրավիչ են և հետաքրքիր: Բայց եթե դպրոցում կառչում ենք ծեծված արահետից՝ երեխաներին ստիպում ենք իրենց համար անիմաստ խորհրդանիշներ ու ձևակերպումներ սերտել և մեր բացատրություններով փորձում ենք դրանց մեջ իմաստ դնել, ապա երեխաներին միայն ներշնչում ենք կա՛մ բոլոր խորհրդանիշերի անիմաստությունը, կա՛մ իրենց սեփական հիմարությունը, քանի որ նրանք չեն հասկանում այդ իմաստ կոչվածը:

Շարունակել կարդալ

Ֆրից Պետերս «Մանկություն Գյուրջիևի հետ»

 

g43

1.Ես  առաջին անգամ հանդիպել ու զրուցել եմ Գեորգի Գյուրջիևի հետ  1924 թվականին՝  հունիսյան  մի շաբաթ օր,  Ֆրանսիայի  Ֆոնտեբլո քաղաքի  Պրիերե դղյակում:    Չնայած իմ՝ այնտեղ հայտնվելու պատճառներն ինձ այնքան էլ պարզ չէին  (այդ ժամանակ ես տասնմեկ տարեկան էի),  այնուամենայնիվ  ես ճշգրիտ ու հստակ  հիշում եմ այդ հանդիպումը:

Պայծառ, արևոտ օր էր: Գյուրջիևը նստած էր ոչ այնքան մեծ    մարմարե պատվանդանով  ու  գծավոր հովանոցով  ստվերապատված սեղանի շուրջ՝  մեջքով դեպի դղյակը, իսկ հայացքով՝  դեպի համաչափ  գազոնով ու  ծաղկաթմբերով պատված  բաց տարածությունը: Մինչ ինձ կկանչեին  նրա հետ զրուցելու, ես պետք է մի որոշ ժամանակ  նստեի դղյակի  բացօթյա պատշգամբում՝  նրա  ետևում:

Շարունակել կարդալ

Ջոն Հոլթ«Մանկական հաջողությունների երաշխիքը»

JohnHoltԱմեն շաբաթ մեզ հարկ էր լինում գրադարանից վերցնելու երկաթուղու մասին եղած գրքերից մեկը: Նա դարձավ Ռոբերտ-երկաթուղայինը: Իր «Գնացք» անունը կրող երեքանիվանի հեծանիվը վարելիս նա այնպես անհույս էր շչում և փնչացնում, որ անցորդները խղճահարությամբ նրան էին նայում: Հետո մի ձայնապնակի վրա հայտնաբերեց երկաթուղու մասին երգեր ու անվերջ լսում էր՝ նստած երկաթուղայինի իր գլխարկով ու խաղալիք շոգեքարշը ձեռքին: Հուրախություն տղայի՝ ծնողներին հաջողվեց ձայնապնակ հայթայթել՝ շոգեքարշի ձայներ հանող ձայնագրությամբ:

Շարունակել կարդալ

Ջոն Հոլթ ‹‹Մանկական հաջողությունների երաշխիքը››

JohnHolt

Նորից դառնանք պրոֆեսոր Հոուկինսին.

Երկրորդ՝ մենք մի նոր ուղղություն ընտրեցինք մեր աշխատանքում, որովհետև տեսանք, որ երեխաների հետ հաստատվում է հետադարձ կապի նոր տեսակ և ուզեցինք տեսնել, թե ինչպես և ինչպիսի ուղիներով կզարգանան նրանց հետաքրքրությունները, և ուղղորդել նրանց: Մեր դերը սահմանափակվում էր դիտումով և մաքուր արտաքին օգնությամբ: Չնայած ուղիղ ղեկավարման բացակայությանը, իսկ գուցե և այդ բացակայության շնորհիվ՝ այդ հինգերորդ դասարանցիները լիովին վարժվեցին ճոճանակներին: Նրանք փոփոխում էին դրանց աշխատանքի շատ պարամետրեր: Շատ բացահայտումներ եղան, բայց դրանց վրա ուշադրությունը չկենտրոնացրեցինք, ուղղակի ուրախացանք երեխաների հետ միասին: Բացահայտումները կատարվում էին, նշվում, մոռացվում և նորից կատարվում:

Շարունակել կարդալ

Ջոն Հոլթ — Մանկական հաջողությունների երաշխիքը

JohnHolt

Կիրառական արվեստ, մաթեմատիկա և այլ առարկաներ (շարունակություն)

Մի անգամ ես նստել էի առաջին դասարանի դասասենյակում և զբաղված էի տարբեր չափերի փոքր, բաց տուփեր պատրաստելով, որ դրանցում Կյուիզեների [1] փայտիկներ տեղադրվեն: Դրա պատրաստման համար ես օգտագործում էի գծագրական տախտակ, գծագրական քանոն, անկյունակներ, քանոն և սուր դանակ՝ ստվարաթուղթը կտրատելու համար: Երբեմն-երբեմն նրանք կտրվում էին իրենց պարապմունքից, մոտենում անկյանը, որտեղ ես աշխատում էի, նայում իմ գործողություններին մի քանի վայրկյան և հեռանում: Երբեմն հարցնում էին, թե ինչ եմ անում, և ես պատասխանում էի. «Հեչ, բան եմ սարքում»:

Շարունակել կարդալ

Թարգմանական ստուգատես

2015_15Ջինը՝ մեզ — Գոհար Գաբրիելյան

Ռոբին Նյուտոն — Կենդանիները քաղաքում — թարգմանիչ-գործավարների խումբ

Վամպիրներ իսկապես գոյություն ունեն — թարգմանիչ-գործավարների խումբ

Բրենդան Դան- Խաբեություն — թարգմանիչ-գործավարների խումբ

Փոքրածավալ կարի մեքենա — ԳոհարԳաբրիելյան

Շարունակել կարդալ

Ջոն Հոլթ «Մանկական հաջողությունների երաշխիքը»

John_Holt_(educator)

Ահա նամակ՝ գրված մի տղայի մոր կողմից, որ սովորում է մի դպրոցում, որտեղ չեն պահանջում հաճախել պարապմունքներին. երեխաները կարող են սովորել, երբ ուզում են և ինչ ուզում են՝ ցանկության դեպքում օգնություն ստանալով ավագներից: Տղային դժվար էր սովորել սովորական դպրոցում, որտեղ նա նույնիսկ չէր կարողացել կարդալ սովորել: Այդ դպրոց նա եկել էր, երբ յոթ տարեկան էր: Երկու տարի անց մայրը գրեց ինձ. «Եթե վերջին ամիսները չհաշվենք, նա ոչ մի դասի չի հաճախել, սակայն երբ նա մտավոր զարգացման գործակցի համար ստանդարտ թեստ հանձնեց, պարզվեց, որ կարդում է տասներորդ դասարանի մակարդակով, մաթեմատիկան իններորդ դասարանի մակարդակի է. նա էլեկտրոնիկայով և մի քանի այլ առարկաներով է զբաղվում, որոնք սովորական կամ անգամ բարձրագույն դպրոցներում չեն դասավանդում»:

Շարունակել կարդալ

Ջոն Հոլթ — Մանկական հաջողությունների երաշխիքը

John_Holt_(educator)

Հինգ տարեկան մեկ ուրիշ աղջկանից՝ Նորայից, ես ավելին իմացա, թե ինչպես են սովորում երեխաները, ինչ խնդիրների են բախվում և ինչպես են փորձում դրանք լուծել: Մի օր նա գիրքը ձեռքին մոտեցավ ինձ և հարցրեց, թե չեմ օգնի արդյոք նրան կարդալու այն: Մենք նստեցինք բազմոցին: Դա HoponPop գիրքն էր, որը շատ հարմար է սկսնակների համար՝ ուրախ նկարներ, պարզ բառեր: Լավ է, որ նոր բառերն այդտեղ ներմուծվում են հայտնի բառերի օգնությամբ, և նայելով նկարներին՝ երեխան կարող է ինքնուրույն, առանց ուրիշի օգնության կարդալ այդ նոր բառերը:

Շարունակել կարդալ

Ջոն Հոլթ — Մանկական հաջողությունների երաշխիքը

JohnHolt

Հուլիսի 17, 1961

Մենք Լիզայի հետ (երկուսուկես տարեկան) սովորաբար բոլորից շուտ ենք արթնանում: Արթնանալով նա սկսում է ինքն իր հետ խոսել: Դա մի տարօրինակ խառնուրդ է:  Անիմաստ հանգեր, տաօրինակ հնչյուններ,  երգերի հատվածներ,  այն մասին, ինչ արել է երեկ  ու գուցե անի այսօր: Մի անգամ, լրիվ ուրիշ բանի մասին խոսելով, նա լռեց ու ասաց.  «Պիտի հագնվեմ:  (Դադար:)  Զգեստ: (Դադար):  Կոշիկներ»: Այս մտքերը հետո անցում արեցին մի ուրիշ բանի: Նա ամբողջ օրը խոսում է: Երբեմն նա խոսում է նրա համար, որ ինչ-որ բան տեղի ունենա և օգնի իրեն հասկանալու՝ ինչ գործողությունների են  մղում իր խոսքերը: Ժամանակի մեծ մասը նա պարզապես խոսում է, որովհետև նրան դուր է գալիս, թե ինչպես է հնչում  խոսքը:

Շարունակել կարդալ